सोलापूर : ‘लायन्स क्लब सोलापूर सेंट्रल’कडून ‘लायन्स सेल्फी फोटो काँटेस्ट’चे आयोजन करण्यात आले होते. या स्पर्धेसाठी राज्यभरातून १६८ स्पर्धकांनी सेल्फी पाठवले होते. या स्पर्धेस अभूतपूर्व असा प्रतिसाद मिळाला होता. मुंबईतील करिश्मा अमित शहा यांच्या उत्कृष्ट ‘सेल्फी’ला द्वितीय क्रमांकाचे पारितोषिक मिळाले. लायन अॅड. श्रीनिवास कटकूर यांच्या हस्ते करिश्मा अमित शहा यांना सन्मानपत्र, स्मृतिचिन्ह, भेटवस्तू देऊन गौरविण्यात आले.
या सोहळ्याला ‘लायन्स क्लब सोलापूर सेंट्रल’चे अध्यक्ष लायन अॅड. श्रीनिवास कटकूर, उपाध्यक्ष लायन चंद्रकांत यादव, सचिव लायन विठ्ठल सारंगी, खजिनदार लायन राजू चौधरी, प्रा. डॉ. राजदत्त रासोलगीकर, चक्रधर अन्नलदास आदी उपस्थित होते.
